Nadia, unha adolescente tímida e con problemas familiares, vive o espertar do seu primeiro amor. O que está a sentir por Manel abre a súa personalidade, que deixa de ser a dun cero escuro, a cifra á marxe coa que ninguén conta. A par da maduración persoal vai a amizade que sente por Aurora, por Luigi, por Ernesto e por outros membros do grupo de teatro. Xuntos salvarán a Aurora duns delincuentes que se aproveitan das ilusións dos máis novos cos máis baixos obxectivos.